-
℃ 11 تركيا
-
26 يونيو 2024
ماهينور المصري : الحرية لكل مظلوم سياسي أو جنائي
ماهينور المصري : الحرية لكل مظلوم سياسي أو جنائي
-
1 أغسطس 2021, 5:14:19 م
-
640
- تم نسخ عنوان المقال إلى الحافظة
مساء الخير ,
الحقيقة أنا اتأخرت جدا في اني ابتدي اكتب و كنت لاقية صعوبة أصلا اني ادخل على أكاونتي ...جزء يعني من الحاجات الكتير اللي بتبقى ضايعة منك و بتبقى عايز ترجعها بعد الخروج من السجن ..و في كل الأحوال مش حتبقى أهم من عمر ناس بيضيع بلا مبرر و لا سبب . بس حتى لما قدرت افتحه من يومين ماكنتش قادرة اكتب شئ.. احساس بالذنب اني خرجت و في الاف غيري مظاليم لسة جوة السجن وقفني كذا مرة من الكتابة .. عارفة ان مافيش أي دعي لاحساس أي حد خرج بالذنب و لكن للاسف ده بيبقى احساس عند أغلبنا أنك سيبت حتة منك كبيرة جوة.
انا تم القبض عليا فجأة و بلا أسباب و خرجت فجأة و بلا أسباب برضوا.
تجربة السجن المرة دي مختلفة و ده لسببين :
أولا: اني اتقبض عليا في بداية موجة قبض كبيرة جدا و الحقيقة المرة دي أكتر مرة اشوف فيها اعداد معتقلين سياسين و حتى جنائيين .
ثانيا: أنك تقضي فترة 6 شهور مابتشوفش أهلك و بتطمن عليهم بصعوبة في ظل جائحة و خوف مرعب كانت تجربة قاسية علىنا جوة و على أهالينا برة. (ربنا يكون في عون كل حد ممنوع عنه الزيارة) و حتى لما الزيارات رجعت كانت بعيدة عن بعض ووقتها غير كافي انك تطمن على أهلك.
ناس كتير باركتلي على خروجي بس الواحد فعلا مش قادر يحس بحرية و فرحة في ظل وجود عدد من الاصدقاء و عدد كبير من الجدعان و المظاليم جوة السجن .. بس أنا بشكر كل اللي ساعد في خروج أي شخص مادام ماكانش في أي مساومات على مبادئنا و أفكارنا .. و مستنيين منهم خروج أعداد أكبر و ان شاء الله يبقى قريب . و بشكر كل المحامين اللي بيشتغلوا في ظروف صعبة جدا و بيحاولوا يطمنوا كل مسجون مع ان مافيش حاجة في ايديهم.. و بشكر عائلتي و صحابي القريبين اللي استحملوا كتير أوي أوي و هونوا على الواحد فترة الحبسو بشكر كل اللي بعتلي و سأل عليا و افتكرني.
في أسامي كتير اعرفها و اسامي أكتر ماعرفهاش تستحق الخروج و الحياة يمكن أكتر مني كمان.. بس في كل الاحوال اللي بيحلم بعالم أحسن و أوضاع أفضل مكانه مش جوة السجن.
الحرية لكل مظلوم سياسي أو جنائي.
قلبي مع كل جدع و كل مظلوم مقفول عليه زنزانة .. قلبي مع أهلنا في فلسطين و لبنان و في كل مكان في العالم فيه نضال لحقوق البشر.. قلبي لسة قادر يصدق أن كل صعب له نهاية و كل ليل له آخر.
شكرا مرة تانية لكل حد فرح بخروج مسجون و الحقيقة منظومة السجن في حد ذاتها لازم يبقى في نقاش في جدواها في حد ذاته بس ده موضوع لوحده ينضم لمواضيع تانية كتير.
الحرية و الحياة لكل انسان
![وزير إسرائيلي: قرار فرض التجنيد على الحريديم يقود لتقسيم البلاد إلى دولتين](http://67.223.118.213/assets/images/posts/images (27).jpeg)
![أحزاب إسرائيلية تعتزم الانسحاب من حكومة نتنياهو](http://67.223.118.213/assets/images/posts/images (10).jpeg)
![الحوثيون: ضربنا سفينة إسرائيلية بصاروخ باليستي](http://67.223.118.213/assets/images/posts/images (26).jpeg)
![مصادر: إبراهيم منير يتخذ قرار بإيقاف ٦ من الشورى العام](http://67.223.118.213/assets/images/media/moner.jpeg.webp)
![د. أيمن منصور ندا يكتب : عندما تلقيت اتصالاً من الرئيس السيسي](http://67.223.118.213/assets/images/media/ayman nada.png)
![طارق مهني يكتب : بزنس المعارضة - سبوبة الزنازين](http://67.223.118.213/assets/images/media/tarik artichal.png)
![تقرير : كيف ساهم " أبو دية " عبر أذرعه المالية في تدجين المعارضة المصرية بالخارج](http://67.223.118.213/assets/images/media/photo_2021-11-02 01.53.03.png)
![تعرف على مدينة المقاومة تحت أرض غزة ودورها في معركة سيف القدس](http://67.223.118.213/assets/images/media/5688/48363605_3123961907646208_5324020264457994240_o.jpg)
![كيف ردت المنظمات الدولية على إغلاق مكاتب الجزيرة في إسرائيل؟](http://67.223.118.213/assets/images/posts/_97229626_hi039945261.jpg)
![إعلاميات يعلن تأسيس "الشبكة المغربية للناشرات والإعلاميات"](http://67.223.118.213/assets/images/posts/72eb60b7-0a4a-40db-a81c-4621a4c79112.jpg)
![الاتحاد الأوروبي للعلوم الجيولوجية يطلق زمالة للصحفيين](http://67.223.118.213/assets/images/posts/l;jupou[p.png)