ألوووه يامصر : أنا عملت كل إللي إتفقنا عليه ، أنا كده ماشي صح ، ولا لغبط في حاجة ؟

مصر : لا كله تمام .

قيس : أنا مش بس عملت توهان هنا ، أنا خليت الوطن العربي كله في حالة توهان ، أتخن محلل إستراتيجي ، مايعرفش إيه الخطوة الجايه ، أنا نفسي مش عارف هاعمل إيه بعد كده ! .

مصر : ماتقلقش إحنا معاك ، إثبت كده وخليك راجل .

قيس : أيوه إيه الخطوة الجايه ، أعمل إيه بعد كده ، أنا قلقان برشا ، الفصل ٨٠ من الدستور خلص .

مصر : إستنه لما أسأل الإمارات ، الخطة مش عندي كلها ، خليك معايا هاكلمهم على الخط الثاني .

مصر ألووووه يا إمارات  : أيوه يا مولانا الخطوة اللي بعد كده إيه ، قيس بدأ يقلق ، دا عيل خفيف وبيتكلم عن الدستورية والحرية وكلام فارغ من ده .

مولانا : تعطيل العمل بالدستور .

مصر : بس ده خطر يا مولانا وإللي ينفع عندنا مش هاينفع معاهم .

مولانا : وأنت مال أهلك ، بلغه وأنت ساكت ، هو أنت إللي بيدفع ولا أنا .

مصر : حاضر يا مولانا هابلغه ، أنت بتتعصب ليه .

مولانا : تعبتونا الله يقرفكم .

مصر : طيب لو سأل على الخطوة إللي بعد كده ؟ 

مولانا : تفويض ، وإحنا بعتنا لتمرد تونس خلاص ٧ مليار دولار تحت الحساب ، وقله يعتبرهم في حسابه الخاص خلاص بعد مالموضوع يخلص ، يعني تمرد تونس هاتصرف حوالي مليون دولار مطبوعات وعربيات وشقة ولا إتنين على البحر  ، والباقي هايفضل بخيره .

مصر : بعد كده ؟ 

مولانا : أنتم أغبياء ، ما السيناريو محفوظ ، أنتم إللي بتنسوا ، 

مصر : سامحنا يا مولانا وأعذر جهلنا .

مولانا : لا أنا متعود ، قله كمان يبني كام سجن جديد ، ويستعد لمجزرة ويسميها " مجزرة النهضة " .

مصر : مابلاش النهضة دي يامولانا عشان بتتعب أعصابي .

مولانا : خلاص يسميها " مجزرة ثالثة أو خامسة " ويبعد عن رابعة خالص .

مصر : ياسلام على مخك البرالانت يامولانا .

مولانا : وبعد كده يعدل الدستور ، بحيث يفضل في الحكم ١٠ ، ١٥ سنة ولا حاجة على مانبقى نفكر هانعمل إيه .

مصر : وطبعًا يعمل ثورة جديدة ، في معاد تاني غير ١٧ ديسمبر ، وياسلام لو خلاها في ٣٠ يونيه ، عشان نوحد الثورات .

مولانا : غبي ، ٣٠ يونيه فات ، إحنا لسه هانستنى سنة ، قوله يعملها في سبتمبر ، ويختار أي يوم .

مصر : هابلغه يا أفندم ، بس أنت عارف إن التليفونات بقت مكلفة ، وكل حاجة بقت غالية عندنا .

مولانا : أنت مابتشبعش ، فاهمك وفاهم حركاتك ، بعتلك ١٤ مليار دولار في حسابك الخاص .

مصر : وهانعمل إيه مع الجماعة بتوع الربيع العربي ؟ 

مولانا : في حالة هياج كاملة ، ماتقولش ربيع دي خالص ، قول خرة قول زفت .

مصر : أنا آسف ما عرفش أنها بتعصبك .

مولانا : بعد ما يخلص ، يقبض على " عبير موسى "  ويصادر فلوسها إحنا حاطين في حسابها ٢٠ مليون دولار ، وبالمرة يقبض على كل أعضاء الجمعية العمومية للإتحاد العام للشغل ، كل واحد في حسابه ٢ مليون دولار .

مصر : دا كده بالفلوس دي هايعمل عاصمة إدارية جديدة ويبني الجمهورية التونسية الجديدة ، والدنيا هاتبقى معاه مراجيح .

مولانا : هو أهطل زيك .

قيس على التليفون التاني : يا مصر يا مصر إتأخرتي ليه يامصر ، التوانسه عملوا ثورة عليا ، و حطوني في السجن أنا والتليفون ، وهايشنقوني بسلك التليفون .

مصر : إهرب يالا ... إلعب يالا .