تكبير الخط تصغير الخط

مروة اعتقلت يوم ٢٠ ابريل ٢٠٢٠، اختفت قسريا لمدة اسبوعين وظهرت على ذمة القضية ٥٧٠ لسنة ٢٠٢٠ 

وجهت ليها النيابة التهم المعروفة بنشر أخبار كاذبة مش عارفين هي إيه! ومشاركة جماعة إرهابية وبرضه مش عارفين إيه هي الجماعة اللي مروة شاركتها! 

مروة ظروف احتجازها وحبسها صعبة وغير انسانية، من البداية تم حبسها في أحد اقسام الشرطة وكانوا مانعين عنها الزيارة وحبسها كان بيتجدد ورقيا كل ١٥ يوم، من دون تحقيقات او استمتع ليها او للمحامين بتوعها، وبعد كدا انتقلت قسم القناطر، ومش مسموح لها غير بزيادة واحدة كل شهر ومدتها ٢٠ دقيقة ولفرد واحد من اقارب الدرجة الاولى 

من فترة تم تجريد مروة من كل اغراضها في السجن ومتعلقاتها الشخصية وتم نقلها من العنبر بتاعها لعنبر أخر بالجلابية اللي عليها بس وسابوها تنام على البلاط في عز البرد !! 

مروة عرفة أم ووقت ما مروة اتخطفت، بنتها كان تقريبا مكلمتش سنتين! أسرة مروة قدموا شكاوى كتيرة للامن الوطني للمطالبة بالافراج عن مروة عشان خاطر بنتها لانها في سن حرج وتحتاج إلى حضن امها!! بس للاسف كل الاستغاثات والشكاوى لم تلق استجابة