هل من المنطق إن سعر الجنيه يهبط ليتساوي مع  سيجاره؟

دا معناه التضخم في مصر تضاعف ل ٤ مرات

إحنا بختار أسهل طريق لتحصيل الأموال لسد عجز الموازنه المخيف و واللهث خلف خدمه الدين فبنختار أسهل الحلول ونحولها لمصادر دخل

زي  مثلاً، واحد ألماني أو كوري أو ياباني يصنع عربية، وييجي يبيعهالك هنا، فالحكومة تاخد قد تمنها مرة أو إتنين أو تلاتة، ضرايب.

حضرتك بتشتغل؟..الحكومة تاخد جزء من مرتبك ضرايب.

مراكب بتاعة ناس مصنعة حاجات، ورايحه تبيعها لناس تانية، تعدي من عندنا، ناخد عليها فلوس.

سعادتك مسافر جوة البلد؟..إيه ده؟..هاتستخدم الأسفلت؟!..طاب أقف عند الكارته وإدفع فلوس.

الباشا عنده بيت؟..عربية؟..أرض؟..إزازة مية ساقعه شايلها في التلاجة؟..الحكومة هتاخد منك فلوس.

عايز تفتح مشروع؟..هات فلوس.

ورثت فلوس؟..هات شوية.

إتجوزت؟..خلفت؟..طلقت؟...إيدك على الحلاوة. الفكره إمتي نعمل خطه ونكون من الدول المنتجه؟!!

لو البلطجي هو اللي مالوش شغلة ولا مشغلة وعايش على الأتاوة..يبقى مافيش بلطجي أكبر من الحكومة.

وكل أفكار زيادة الموارد، هي في الحقيقة إعادة تقسيم الموارد..يعني إزاي تاخد الفلوس من جيب ده، تحطها في جيب ده..إنما تجيب فلوس جديده تدخل جيب الإتنين...حاش لله، إحنا بتوع كلام من ده؟

هي الحكومة مابتفكرش تتوب وتاكل من عرق جبينها بقى؟

إلا الرغييف يا ريس