-
℃ 11 تركيا
-
2 يوليو 2024
إلي العم صلاح چاهين في ذكرى رحيله : دموع قديمة
إلي العم صلاح چاهين في ذكرى رحيله : دموع قديمة
-
23 أبريل 2021, 4:46:46 ص
-
1117
- تم نسخ عنوان المقال إلى الحافظة
(إلي العم صلاح چاهين في ذكرى رحيله في مثل هذا اليوم سنة 1986)
الحزن تالت تلاته ولاّ رابع أربعه
راجع يرُصّ دموعي في المطبعه
إديني لحظة أمان آخد نَفَس وارتاح
الشعر طير جناحاته متفزّعه
مين زعّلك
جنس مين يقدر يا عم صلاح
حقك عليّا
حقك على ايديا اللي قاعده مربعه
الحزن تالت تلاته ولاّ رابع أربعه
.
الحزن تالت تلاته قعدوا ع القهوه
بيغنوا مصر فْي شارع الشريفين
فاتحين قميص الشباب للشعر والنشوه
ندهوا عليا وقالوا : رايح فين
فجأة.. وبصوا لبعضهم الاتنين
وطاروا علي سهوه
فجأه.. لقيتني كإني بين شطين
مركب قلوعه ممزّعه
الحزن تالت تلاته ولاّ رابع أربعه
.
الحزن تالت تلاته ولاّ كانوا اتنين
زي الإيدين والنسمه شايلاني
تاني جناح انكسر
إزاي اطير تاني
يا مضيعاني في الرياح الأربعه
كل الدموع القديمه فْي قلبي متجمّعه
اتنفسيني
اتنفسيني يا بيوت مصر اللي مش عارفاني
يا مسفراني بقطرك العطلان
ومغمياني بطرحة الدخان
ومخوفاني
باحط إيدي علي الدموع واحلف
إني مش زعلان
![هادي جلو مرعي يكتب: استفتاء عام القضاء السلطة الأولى في العراق](http://67.223.118.213/assets/images/posts/4036a2c7-fb32-4392-9d8e-9e2490488d93.jpg)
![موقع عبري: نصر الله غيّر مكانه تجنبا لاغتياله.. تحذير إيراني](http://67.223.118.213/assets/images/posts/640px-Sayyid_Nasrallah.jpg)
![مصادر: إبراهيم منير يتخذ قرار بإيقاف ٦ من الشورى العام](http://67.223.118.213/assets/images/media/moner.jpeg.webp)
![د. أيمن منصور ندا يكتب : عندما تلقيت اتصالاً من الرئيس السيسي](http://67.223.118.213/assets/images/media/ayman nada.png)
![طارق مهني يكتب : بزنس المعارضة - سبوبة الزنازين](http://67.223.118.213/assets/images/media/tarik artichal.png)
![تقرير : كيف ساهم " أبو دية " عبر أذرعه المالية في تدجين المعارضة المصرية بالخارج](http://67.223.118.213/assets/images/media/photo_2021-11-02 01.53.03.png)
![تعرف على مدينة المقاومة تحت أرض غزة ودورها في معركة سيف القدس](http://67.223.118.213/assets/images/media/5688/48363605_3123961907646208_5324020264457994240_o.jpg)
![سعيد البدري يكتب: خطاب سيد المقاومة الأمين.. وإنه بسم الله قاصم الجبارين](http://67.223.118.213/assets/images/posts/حسن نصر الله تأبين الشهيد ابو طالب.jpeg)
![تأييد حماس ارتفع 6%.. رويترز: 54% من الفلسطينيين يدعمون الكفاح المسلح](http://67.223.118.213/assets/images/posts/8c03b957-9ac2-4f59-984f-457d1799a5d7.jpg)
![هدى زوين تكتب: خارطة بوشاح أسود](http://67.223.118.213/assets/images/posts/1618595535ما_هي_قوة_العقل_الباطن.jpg)