دقيت على طبلتى 

على طبلتى دقيت

و صحيت على ندهتى

و بندهتى صحيت

يا قلوب ملاها الشوق

للعدل و الحرية

يا طريق و مليان شوك

أرواحنا لسه عفيه

الفجر نوره و نداه

جوه زهور شيلاه

تنشر عبيرها ف هواه

تملا حياتنا حياه

 دقيت على طبلتى

من قلب حلم اتولد

مسحراتى ليلاتى

سارح بطول المدد

الصوت بيرجع صدى

و الصبر ابن الجلد

بدد يا نور عتمتى

طبطب على طبلتى

يروى الندى سكتى

و الحلم يطرح بلد

--------------

يا صفقة القرن اللعينة

 مفيش مكان للخونة

 وسطينا

لسه دم اولادنا 

يروى رمال سينا

دم احمد ويا مينا

لسه تار الشهدا 

حى و بينادينا

ملعون ابو معاهدة العار 

و الخيانة

يا عصابة حكمانا

مرعوبة و جبانة

و المجد للأحرار

رافعين رايات الكفاح

من الحجر للسلاح

بيقاوموا ليل و نهار

بعزيمة الثوار

بينا و بين العدو صراع وجود

و الحل معروف للجميع

ملعون أبوك يا عدو يا صهيونى

ملعون فى كل كتاب 

الموت لإسرائيل

و لكل خاين عميل

الموت لإسرائيل

ولكل خاين عميل

 مسحراتى الوطن 

و الحلم و الموال

يا أه

يا عين

يا ليل 

  يا قدس لا تحزنى

من أنظمة عيرة

بيعاكى بخيانة

و عروش متسواشى

جايلك أوان تفرحى

و تغنى مع سينا

الأوله فلسطين

و التانية وعد الله

و التالتة دم الشهيد

الأوله فلسطين يا أقصى يا قيامة

و التانية وعد الله له آيه و علامه

و التالته دم الشهيد بعزة و كرامة

الأوله فلسطين يا أقصى يا قيامة و الطريق ممدود

و التانية وعد الله له أيه و علامة و صراع وجود لا حدود

و التالتة دم الشهيد بعزة و كرامة بالإنتصار موعود 

 مسحراتى و انادى

يا ولادى يا احفادى

رمضان كريم

شهر و عظيم

فيه العظات و المعجزات 

و الإنتصار

الفجر لازم يولد نهار

و الصبح مولود من نور و نار

مسحراتى و ف انتظار 

الأمة ترفع راية انتصار

رمضان كريم

يا نايم إصحى

وحد الرزاق