شير صديق من الاصدقاء أرقام تليفونات لمهندس لديه تشطيبات فى بلوك كامل بالادارية ويحتاج جميع التخصصات واليوميه ب 200 جنيه  لثمانى ساعات من العمل.

 قلت: 200 جنيه والحسابه بتحسب جميل ، وطلبت ارقام التليفونات واحد واحد فوجدتها خارج الخدمة أومغلقة طوال الليل والنهار فأقلعت عن الفكرة 

وتوجهت فى السادسه صباحا التى تجمع الانفار اللى على باب الله  وكلن نصيبى نقلة سيراميك مع خمسة من الزملاء للتعتيق والتطليع الى الدور الثالث .

توزع ستتنا على نقاط التطليع بعد التعتيق وكان نصيبى دور من الثلاثة طوابق استلم ، وأصعد درجات سلم الدور  لأسلم الأخير وأنزل لأستلم .

اربعمائة مرة ياخلق هو لحد قدماى مانتفخت الى ثلاثة أضعاف حجمها الطبيعى، ومال كتفى الى أدنى مستوى ، ولم اتمكن من اعداته الى الوضع الطبيعى حتى تاريخه ... فحسبى الله ونعم الوكيل فى كل ظالم مفترى 

ولنا الله .

وأعاود جلوسى يوميا فى مجمع الانفار وكلنا على باب الله .. احد الشباب عطف على واصحبنى لتعتيق نقلة طوب  وتطليعها الدور الخامس . فاستعنت على الشقا بالله .. واللى اقبضته صرفته مراهم على كتفى وضهرى آه والله شلت طوب كتير وبهدل كتفى وضهرى فى هذه السن من العمر  

فحسبنا الله ونعم الوكيل فى كل مفترى أخر حصولى على مستحقاتى من مكافأة نهاية الخدمه والاجازات فى الهيئه الوطنيه للاعلام .. يااخى زينا زى بفية خلق الله فى بقية الوزارات والهيئات ، واحنا استنينا اربع سنين واتذلينا صح الصح  .. حسبى الله ونعم الوكيل .. يارب انت المنتقم الجبار

فى هذه السن من العمر اجلس بجوار العمال اللى على باب الله عند نفق نصر الدين  ازاحمهم فى ارزاقهم فيعطف البعض على ويطلعنى معاه نطلع نقلة رمل اوطوب أو تكسير حديد اوحجاره.

آه والله العظيم شلت رمل كتير قوى لما انقسم ظهرى فحسبنا الله ونعم الوكيل . انت المنتقم الجبار يارب فى المسؤوبين اللى معطلين صرف مكافأة نهاية خدمتى  والاجازات الاعتياديه حتى بعد مرور اربع سنوات.

الاضراب عن الطعام للمرة الثانية

سأضرب عن الطعام للمرة الثانية وسأبلغ السيد النائب العام عند دخولى المستشفى بعد وضوح النية المبيتة بعدم صرفى لمكافأة نهاية الخدمة وصرف الاجازات الاعتياديه علما بأن معاشى بعد خدمة 42 سنه كان الف جنيه  بينما هناك معاشات تصل الى ثلاثين الف جنيه للنفر.

محاولات يائسة فى البحث عن عمل لمدة اريع سنوات بعد وصولى الى سن المعاش حتى البى احتياجاتى فى هذه السن المتأخرة من العمر

فكرت اشتغل سايس فى مواقف السيارات بعد وصولى الى سن المعاش وخارج كبير مخرجين مدير عام فى التليفزين المصرى فأوسعنى السياس فى الميادين التى حاولت الوقوف بها ضربا فهربت بجلدى فحسبى الله ونعم الوكيل

الاصدقاء الاعزائى

فكرت مرة تانيه  أفتح كشك سجاير على الناصية اواقف بشوية مناديل فى وسط ميدان التحرير اوحتى عربية فول فى أى  حته 

جاءنى تعليق لطيف يقول : لازمك  شهادة محو الاميه علشان تفتح كشك سجائر اوتقف بعربية فول أو حتى تبيع مناديل.

فكرت طويلا للرد ثم عدلت  ، وسألته ودى يطلعوها ازاى؟

قالى : لازم تعدى من الامتحان وبعدين يتم تقييمك ومنحك الشهاده.

قولتله : طيب ابتدائيه قديمه ماتنفعش ؟

قاللى لأ

ولا اعداديه قديمه؟

-لأ

ثانويه قديمه؟

-لأ

دبلون تجاره اومحهد متوسط اوفوق المتوسط اوعالى ..بكالوريوس أو أسانس؟

تبرم المحاور وقال : انت قرفتنى ماقولنا محو الاميه .. محو الاميه بس فهمت

وأغلق فى وجهى الشات.

الاصدقاء الاعزاء

قلت اسرح بجرايد قالولى سوقها واقف

قلت لنفسى اطرح عليكم الامر اكيد حاتفيدونى

والنبى حد يدلنا على الاجراءات المتبعة لفتح كشك سجائر حتى لانتعرض  للمخالفات او السقوط أسفل العقوبات .

طيب والنى حد يدلنا على الاجراءات المتبعه لفتح عربية فول وسندوشتات

وشوفولنا ربنا يكرمكم اى واسطه.

====================

رصاص الرحمه ، والبغال

==============

ياساده فلتطلقوا رصاص الرحمه

ليستقر فى القلوب

حتى لانشعر بخروج الروج

ولكم حالص ال ..

المساواة فى الظلم عدل

 لو تم استرداد مكافأة نهاية الخدمة  والاجازات الاعتياديه من الراحلين والاحياء فى مختلف الوزارات والهيئات

فسنرضى بالمقسوم لنا ، وحسبنا الله ونعم الوكيل.

حينئذ سنلجأ الى اولاد الحلال ليتوسطوا لنا  لدى المسؤولين لفتح أكشاك سجائر اوعربية فول او أى مشروع صغير كده على قد سننا ، وربنا كبير.

اليوم الثانى والاربعون بعد السنة الرابعة انتظارا للحصول على مستحقاتى من الاجازات الاعتياديه ومكافأة آخر الخدمة