#حكايات_الغريب

في الزنزانة .والساعة ٣ قبل الفجر .  قولت لشريف صبره تعرف نفسي في إيه ياشريف

قالي تمنى وانا هانفذ.. قولتله أولا أشوف فاطمة أختي واديلها الجواب اللي معرفتش ابعتهولها اخر مرة 

قالي تمام هيحصل وهترد عليك حتى لو ماخدتش الجواب بس نفسك في ايه تاني

قولتله اسمع اغاني شعبي

قالي نعم ياخويا🤬 ؟

اغاني شعبي ازاي .. دا انت طول عمرك بتحاربها ..

قولتله لا اغاني شعبي من بتاعة زمان الشعبي الحقيقي

رد أحمد ناجي وقاله اديله الراديو يسمع شعبي fm

المهم 

شريف جاب لي الراديو

وشغلت قناة شعبي fm

بتجيب كل اليوم من بعد ١٢ بالليل اغاني زمان شعبي

الغريب بقا هنا اني اعرف ان الاغاني الشعبي كانت تخص بعض المغنيين 

ماعرفش ان فيه مطرب 

صوته نافس صوت محمد عبد الوهاب

ناهيك عن الصوت 

الكلمات المكتوبة 

روووووووووووووووووعة

وتحت اسم اغاني شعبي

فيه مطرب رائع اسمه عبد الغني السيد

المطرب دا يومها سمعته لأول مرة تقريبا

مكنتش متخيل ان فيه اغنية شعبي في قمة العمق والرومانسية والأدب وزي ماتقول قول للصبح 

الأغنية دي

فيها جُملة خلتني تنَّحت جدا

لدرجة ان تاني يوم مكنتش فاكر في الاغنية غير الجملة دي

وبعد ماخرجت م السجن نسيت اسم المطرب عبد الغني السيد

وحاولت اجيب الاغنية لكن عدى وقت ونسيت ابحث عنها تاني

من فترة صغيرة لقيتها

وحملتها ع الساوند عندي

كان نفسي اهديها لحد عزيز على قلبي يسمعها ويعرف ان الجمال في الفن بيبقى من صدق الكلمات أو صدق العمل أيا كان العمل دا

(( كان بيني وبينه كلام

  مايهونش عليا احكيه))

#عبدالغنيالسيد_قال

وحشتنى عنيك من أول يوم

 وإشتقت إليك من أول يوم

 وإن طال البعد أنا هاعمل إيه

من أول يوم وحشتنى عنيه

كان بينى وبينه زمان

فى نعيم الروح عيشناه 

وأهو راح وكأنة ما جاش

والبعد طوانا معاه

الشوق حيرنى عليه

وغلبنى حنينى إليه

وفضلت وحيد مشغول

أناجية فى الوحدة وأقول

 وحشتنى عنيه

كان بينى وبينة كلام 

مايهونش عليا أحكية

 وكلام الحب حرام

لو قلتة لناس بعديه

حكيناه وأنا إيدى فى إيده

دلوقتى لوحدى بعيدُه

 وأصبر والعمر يطول

 أناجية فى الوحدة وأقول

وحشتنى عنيه

كان بينة وبينة غرام

ماشافهوش قبلينا إتنين

 مهما حتطوى الأيام

يرعى إخلاص قلبين

كان عهد ونور وآمال

 بقى ذكرى وطيف وخيال

راح أعيش لهواه على طول

أناجية فى الوحدة

وأقول وحشتنى عنيه

#وحشتني_عنيه

غناء عبد الغني السيد 

كلمات عبد الفتاح مصطفى

ألحان أحمد صدقي