دي قصيدة كتبتها في السجن بعنوان

.......المصالحة......

يا اللي انت بتقول ان المصالحة الحل

ممكن تقول هتعمل ايه في القصاص والدم

يا اللي انت بتقول ان المصالحة الطريق

طب والطريق اللي اتملي بالدم

يا اللي انت بتقول ان المصالحة الحل

يا تري ممكن تنحي الدين وتقدم الدنية

وتعمل مصالحة ع الموضة والأغنية

يا اللي انت بتقول ان المصالحة الحل

مفيش مصالحة ع الدم الا بدم بدم

هنقول لي الدين سمح بالدية لولي الدم والولية

هقول لك مفيش في القتل العمد حاجة اسمها دية

هنقول لي صاحب الدم وافق وقبل بالدية

هقول لك مش صاحب الدم اللي باع انا اللي صاحب القضية

يا اللي انت بتقول ان المصالحة الحل

خايف مرعوب م الليمان

 ولا طمعان في الوزارة او كرسي برلمان

يا اللي انت بتقول ان المصالحة الحل

هتقول لي المصالحة من أجل القضية 

ولا عشان الوطن والوطنية

هتقول التصالح حيلة والقصاص في القلب غيله 

و المصالحة لنعبر عليها جسر الأيام العصيبة

ولا هتقولوا معدش لنا حيلة

 والسلاح لسه في ايد قاتل

وما زالت به الطلقات اللعينه

فأما المصالحة واما سيقتلنا جميعا

موتوا علي مات عليه الشهيد

او عيشوا حياة ذليلة

واجلبوا العار لأجيال كثيرة

يا اللي انت بتقول ان المصالحة الحل

مفيش مصالحة ع الدم الا بدم بدم

هنقول لي في القرآن ده ربنا قال

وإن جتحوا للسلم فاجنح لها وتوكل

من كتر خوفك هتحرف القرآن

يا اللي انتوا خدتوا الخوف فى احضانكم

وعملتوا م الخوف زاد لابدانكم

وحتي بالخوف بتفسروا القرآن

ياه علي العصافير اللي شفناها وأحنا صغار فوق الشجر

 وكنا بنسأل نفسنا ليه ميمشوش ع الأرض زي البشر

ولما كبرنا عرفنا أنها كانت بتهرب م البشر فوق الشجر

يا اللي انتوا حطيتوا الخوف نغم على لسانكم

والجبن كون حروف جديدة لكلامكم

وحتي بالخوف بتعملوا فرسان

علمونا زمان في المدارس لما كنا صغار

 ان السكوت أدب وكانوا يضربونا ع الكلام

ولما كبرنا وشفنا الحال عرفنا أن السكوت قلة أدب ووصف حال الجبان

يا اللي انت بتقول ان المصالحة الحل

الحل في الدين مش في الدنية

هنقول لي معنى المصالحة حرية المساجين

ولا هناخد كرسي في وزارة وفلوسنا م الملاعين

فاكرين بناتنا اللي انتهك أعراضهم وهما في الزنازين

ولا الشريفة اللي عروها في التحرير وقالوا كباسين

يا اللي انت بتقول ان المصالحة الحل

مفيش مصالحة ع الدم الا بدم بدم

فاكرين شهيد إسكندرية خالد سعيد  الجدع اول شرارة لثورتنا

والله امه رقصت للسيسي في الميدان

ام الشهيد باعت القضية

انا اللي صاحب القضية وانا اللي صاحب الدم

انا أخوه اللي شال دمه وعمله وسام

وانا اللي جرحي وجرحه من حاكم جبان

وانا اللي دمي ودمه اختلطو في الميدان

يا سامعين احكموا بيننا

مين اللي أقرب الشهيد

قريبه اللي عايز يبيع الدم 

ولا اللي بيطالب بدم بدم

يا اللي انتوا وسط الخوف عايشين

بتتجرحوا لكن ساكتين

اه علي الكلب اللي من كتر السكوت قالوا ملهش لسان

قام طلع الكلب لسانه في كل حال

يلهث في كل مكان

لكنه ما زال حتي الآن عاجزا عن الكلام

يا اللي انتوا واخدين الخوف في احضانكم

يكنس فاكرين الخوف هيطيل اعماركم

ولا انتوا فاكرين الخوف علاج لامراضكم

ولا فاكرينه السبب في أرزاقهم

يا اللي انت بتقول ان المصالحة الحل

هتقول ايه لربنا لما تتسال ع الدم

يا اللي انت ماشي بعيد عننا وناسي

ربك هينصر قريب اللي علي درب الشهيد ماشي

يا اللي انتوا عاملين من الخوف بستان

ده زي بستان المسيخ دجال 

يا اللي انت فرحان لحالك والجبن اللي ملا دارك

والخوف اللي غطاك وصار لحاف حتي لعيالك

يا اللي انتوا بتقولوا ان المصالحة الحل

اوعاك تفكر اننا نتذل

احنا المقاومة في كل ميدان من الميادين

وأحنا التاريخ الخالد في كل حين

يا اللي انت واخد من الخوف طريق

وعامل معانا وانت م المزاريق

ياللي إنت واخد م الستار ألوان

وهمك تدور لك علي بستان

يا اللي انت بتقول ان المصالحة الحل

ثوب المصالحة ثوبك ومش ثوبي

اما انا فثوبي اما الحداد واما الكفن

واما الشهادة واما القصاص

أهرب من الخوف واوعي الخوف يلاقيكم

اه ع الجمل لما يصيح م الخوف من عصابة عيل صغير رفعها للتهويش

عملتوا م الخوف حكاوى وعملتوا م الخوف غناوي

وعملتوا م الخوف فتاوي ما تنفع حتي لاصحاب القهاوي

يا اللي انت بتقول ان المصالحة الحل

مفيش مصالحة علي دم الشهيد تاني

يا اللي انتوا بتقلوا ان المصالحة الحل

مفيش مصالحة ع الدم الا بدم بدم