القنوات امبارح طول الليل شغالة علي صور لإقليم تيجراي وجنود ابي احمد الأسري المنهزمين وإثيوبيا اللي هتتفكك وتتحول لقطع زغنتتة ... طب خلاص احنا نكنس علي ابي احمد السيدة زينب ونعمل نذر للحسين ونوزع عيشة ولحمة في السيدة نفيسة وندعي لثوار تيجراي ربنا ينصرهم ... ونغني للجيش التيجراي ... تسلم الايادي يا جيش تيجراي ... 

هجيبك ... هجيبك ياض ياللي بتقول عليا من عبيد البيادة التيجرية الاورومية ... 

مفيش موظف سئ وموظف جيد .... في مدير سئ وغبي وفي مدير شاطر ومنتج ... في بلد افريقية اسمها رواندا من عشة خمستاشر سنة كده كانوا نازلين طحن في بعض ووصل الامر انهم من كثر الجثث في المعارك وحرق القري قذفوا بثلاثة ملايين جثة في النيل ... ايواا زي ما قرأت كده ... رموا ثلاثة ملايين جثة وأكثر في النيل ... النيل اللي انت بتشرب منه ... خلصت الحرب وقعدوا مع بعض وخلال خمستاشر سنة أصبحت رواندا الدول الإفريقية الاولي في حقوق الإنسان والديمقراطية وحققت مراكز متقدمة جدا في التنمية الاجتماعية والاقتصادية ....

نوبل ابي احمد ...

هو ليه اخد نوبل ؟ عمل ايه ؟ تصالح مع أرتيريا العدو التقليدي و بسبب الصلح ده سحب من مصر ورقة أرتيريا التي رفضت تتعاون معنا في موضوع السد وكمان بيضربوا في ثوار تيجراي من الحدود الارتيرية ... هو اخد نوبل بسبب كده ... لا ده كمان  ضحك علي مصر ... ده مش كلامي ده كلام كل الإعلام المصري واقطابه ... ان ابي احمد غرر بمصر ومؤسساتها وخدع مصر ... ومصر أنضحك عليها ...  لمن يفهم ويعي الشخصية المصرية جيدا يعرف ان أخطر جملة قالها عبد الناصر في خطاب التنحي ... انتظرنا العدو من الشرق وجاءوا من الغرب ...وكان يقصد بها القواعد الأمريكية في ليبيا التي شاركت في ضرب المطارات والطائرات المصرية  ... الجملة ديه كانت سبب في موجة نكت وآلش وتريقة علي شخص عبد الناصر حتي حرب الاستنزاف ... 

لا يوجد في السياسة الدولية حاجة اسمها ... والله العظيم لن أضر المياه في مصر ... ديه سياسة الدلالة وهي بتقنع ستات شارعكم انها تشتري منها قطعة قماش كستور أو ماكينة خياط سنجر  بالتقسيط ...

الرئيس السيسي دائما ما كان يردد علي مسامعنا ... انا فضلت خمسين سنة ادرس يعني ايه دولة ... كويس ... فين الدراسة ؟ طب فين الدولة ... بصراحة انا هنا لا احمل شخص الرئيس مسئولية ما حدث وإنما احمل مستشاري الرئيس مسئولية هذا الأمر الجلل ... طب هو في للرئيس مستشارين ... مين المستشارين ... فين المستشارين ... فينكم ياحضرات السادة المستشارين .... هو في مستشارين بس الأفندي بتاعنا حمش ودكر وصوته من دماغه ومش بيسمع كلام حد ...

طب والحل ... الحل بسيط جدا ... جدا  .... نعرض الاتفاقية علي لا مؤاخذة ... لا مؤاخذة يعني ابطال مجلس النواب  ويعلنوا رفض الاتفاقية وكأنها لم تكن .... اه بس في مشكلة هنا ... عرض الاتفاقية علي مجلس النواب ممكن يسربها وتطلع بنودها السرية ويطلع لنا ممدوح حمزة ونور فرحات وحمدين ونافعة وحازم حسني والصحافة ةالاعلام والكل  يهروا عن البنود السرية ... واحنا مش ناقصين ... بلا مجلس نواب بلا مش عارف ايه ... بلاشكلامفارغ