مصطفى جمال مصمم الجرافيك اللى اتسجن من اكتر من ٣ سنين على ذمة قضية بلحة و الوحيد حرفيا اللى مالوش أى علاقة لا بالأغنية ولا بالثورة ولا بأي شيء غير أنه مصمم جرافيك و كان وثق صفحة رامي عصام فى ٢٠١٤ ضمن فنانين كتير و باندات مصطفى كان هو اللى وثق لهم صفحاتهم بحكم شغله ليس الا،

مصطفى جمال فضل طول فترة سجنه من اول يوم أمن دولة مع شادي رفقاء القبضة من اول يوم لحد ما شادي صاحبه مات قصاده على أيده فى زنزانة جوا سجن،

مصطفى جمال اتدور ٣ مرات بعد موت شادي، يعنى بدل ما الدولة تخرجه عشان يلحق يتعالج والا يتعافى والا حتى يتناسى، لا امن الدولة بيدوره فى كل مره بيحصل فيها مصطفى على إخلاء سبيل،

مصطفي جمال اتحبس مع شادي حبش الله يرحمه ف نفس القضية بسبب نفس الاغنية ( بلحة ) بتاعت رامي عصام مع العلم مصطفي شغال فالميديا يعني ملوس علاقة بالأغنية ، كل علاقته برامي عصام انه بس وثق الاكونت بتاعه علي الفيس بوك وكان قبل التراك بكتير

مصطفي ابوه اتوفي و هو محبوس معرفش يدفنوا او ياخد عزاه ، مات وابنه محبوس .!

اتكلموا عن مصطفي و هو لسه عايش و هو لسه محبوس بدل ما نتكلم عليه بعد ما يحصله حاجة هو كمان جوه سجونهم !

مصطفي تم اول امبارح ٣ سنين ، ٣سنين بعيد عن اهله فقضية كل الي فيها خرج أو تم حكم عليه زي الشاعر جلال البحيري ٣ سنين عسكري ،

 و متبقاش غير شادي و مصطفي .. و شادي خرج هو كمان لكن خرج من الدنيا راح لدار الحق ..

 مصطفي محبوس احتياطي بيتجددلوا جلسة ورا جلسة زي شادي بالظبط ..

مصطفي جمال الي كل جريمته ان اسموا كان موجود فصفحه رامي عصام ، 

و اللي رامي شخصيا قال ان مفيش معرفة بينوا و بين مصطفي .!

ارحموا مصطفي و هو عايش و اترحموا علي شادي ربنا يغفرله و يرحمه برحمته الواسعة

مواضوعات قد تهمك:

بيان : من يتحمل مسئولية وفاة شادي حبش

المنظمة العربية للإصلاح الجنائي: النظام المصري يفرغ توصيات مجلس حقوق الإنسان من مضمونها

تقرير : حالات الانتحار في مصر في الربع الأول من عام 2021