المسحراتى :- " يا غزة شاهدة و شهيدة "

 دقيت على طبلتى 

على طبلتى دقيت

و صحيت على ندهتى

و بندهتى صحيت

يا قلوب ملاها الشوق

للعدل و الحرية

يا طريق و مليان شوك

أرواحنا لسه عفيه

الفجر نوره و نداه

جوه زهور شيلاه

تنشر عبيرها ف هواه

تملا حياتنا حياه

 دقيت على طبلتى

من قلب حلم اتولد

مسحراتى ليلاتى

سارح بطول المدد

الصوت بيرجع صدى

و الصبر ابن الجلد

بدد يا نور عتمتى

طبطب على طبلتى

يروى الندى سكتى

و الحلم يطرح بلد

--------------

 يا غزة شاهدة و شهيدة

على موت ضماير عنيدة

مش عاوزة تفرق ما بين

مقاومة صلبة و شديدة

و ما بين سياسة بليدة

يا عدو يا صهيونى

جيشك جبان مجرم

ومهما سال الدم

مفيش ارادة هتهزم

المجد للصواريخ

قلبت معادلة تاريخ

و النصر بانت بشارته 

على العدو فى مهانته

دا وعد ربك و ايته

بأس المقاومة علامته

جاسوا  خلال الديار 

يوما هيطلع نهار

خالى من الصهيونية

مسحراتى الغضب

و الإحتجاج

و الشوق

 الجدر مادد لفوق

يحلم بفك الطوق

من ليل غميق لشروق

والصوت يشق الحلوق

و الروح بتنسج

من الجروح موال

الليل طويل

لكن النهار جوال

يا ألف أه يا ليل

يا ألف آه يا عين

 مجرور بكسرة يا عدو مجرور

فاعل بضمه يا ابن قلبى جسور

مفعول به منصوب ياعدو مغرور

مضاف الينا يا سليل العزة

عربى تقول غزة

ترفع رايات المقاومة

تعرف طريق النور

عربى تقول يا قدس

يا شهيد يا اكون منصور

ومهما زاد العناد

لكل فجر معاد

مسحراتى بطول البلاد

أصرخ ليلاتى

إصحوا و فوقوا 

لكل آتى

رمضان كريم

شهر و عظيم 

فيه العظات و المعجزات و الإنتصار 

الفجر لازم يولد نهار

و الصبح مولود من نور و تار

مسحراتى و فى إنتظار

الأمة ترفع راية إنتصار

رمضان كريم

يا نايم إصحى

وحد الرزاق