شايف أنا آخر الطريق 

مش ناوي اتوه 

ولا ينطفي ف عيني البريق 

ولا يخطفوه 

     --     --

وانا البرئ 

اللي ارتكب ذنب الغرام المستحيل 

واللي انسكب مواويل 

يالييييل 

أنا عاشق الخيل . .

ننطلق 

أنا رافض الموت الذليل 

وانا الدليل . . 

في مسيرة الفجر 

اللي رايح ينخلق

      --   - -

وانا الصديق 

للي أتفقد عمره ف زمان الغربة . . غدر

واللي ندر للفرحة ندر 

راح اهلّ بدر . .

ينور الليل الطويل 

وانا النخيل . . 

اللي طرح للمحرومين ..

في ليالي قَدْر 

    - -

وقدرت أختار الطريق 

          - -