انا نفسي الم عيالي 

في شنطه

واركب بيهم

مركب نوح

وحسيب ويا 

القلب رساله

فيها حكاوي

افراح وجروح

وعيل نايم جنب الحيطه

عريان

وجعان

مدبوح

يحكى أن راح

ولاجاش

وانا العمر ده

عدى بلاش

قام من نومه

حط هدومه

لم العضم في لفه قماش

فاق من نومته

بص في وشه

شاف الميت فيه الروح

انا نفسي الم عيالي 

في شنطه

واركب بيهم مركب نوح

.........

............

............

٢

سليفيني عنيك اشوفني

واترسم على وشم نني

حني يا حته مني

الوجع فيها اترسم

حكايات حكايات

طب 

سلفيني عنيك رحمه

واكتبيني كلمه على مشهد شهيد

همي فيا لحسن بيني حتلبس

ارقيني ليله 

بالليل الي تملي

بيداري الملس

بكفياني وجع 

وغلبت جري وشحططه

وتنطيط

حلقي ما عادش يستحمل

امانه الاراجوز

مش راح يجوز

ادخل حكاوي المملكه

من باب حريم التختابوش

ولا راح يحوش شباكي الخشب .نقر الهوى

ولا راح يبوش 

قالب سكر النبات

طول ما البنات

عاشقه الهزار 

على قضيب قطر السكك