ف الفجر

باتهز 

وباترنح

من كتر الخوف 

م الريح الهوج 

وانين الموج

بيسد ودانى

لكن وجدانى

بيردد جوايا

ادانى 

واسبح ف خيالى

ف سكون ربانى 

وافلت بهدوء

من دايرة زمنى

الموبوء

الصبح 

ريحة اليود 

بتهز كيانى

وبتركن ف زوايا

الروح 

وانا بالصمت 

باخبى ف اسايا

المفضوح 

وبادارى ف جرحى

المفتوح

الليل 

مسكون

بقمر مقسوم

ونجوم تايهة 

وبتحوم

والروح قلقانة

بالصمت اللى معشش 

جواها

محتاجة البوح

والبوح مشوار محفوف

بجروح

الوان زيتية على توال

60X90 سم